Roxas City, Capiz- Aprubado sang city council sang syudad sang Roxas ang resolusyon nga nagadeklarar bilang persona non grata sa CPP-NPA-NDF.
Ini ang may kaangtanan sa Executive Order number 70 nga ginpapanaog ni Presidente Rodrigo Duterte nga magatukod sang National Task Force kag pag-usar sang “Whole of the Nation Approach” agud malab-ot ang pangkabilogan nga kalinongan.
Ang nasambit nga executive order ang nagamandato sa tanan nga mga local government units(LGUs) sa pagdeklarar nga persona non grata sa CPP-NPA-NDF pinaagi sa ila tagsa ka sanggunian.
Ang smo nga resolusyon ang gin-author ni City Councilor Atty. Garry Potato, nga chairman sang Committee on Police and Peace and Order, kasunod man sang ginlab-ot nga letter-request ni Roxas City PNP chief of police PLt. Col. Ricardo Jomuad Jr.
Ginpahayag dugang ni Potato nga kaupod sa nasambitan nga deklarasyon ang tanan nga mga komunista kag terorista nga grupo samtang luyag man sini kuntani nga ilakip ang tanan nga mga legal fronts sang komunista nga grupo apang sa subong wala pa sang nagakaigo nga ebidensiya para sa mga ini.
