Resolusyon sa piskalya sa Plaza murder case gihulat sa SITG

Davao City – Gihulat sa Special Investigation Task Group (SITG) ang resolusyon sa City Prosecutor’s Office (CPO) sa gipasang-at nga mga kasong murder, theft ug obstruction of justice sa pagpatay sa businesswoman ug modelo nga si Yvonette Chua Plaza.

Kini sumala kang Police Major Eudisan Gultiano, Police Regional Office 11 ug SITG spokesperson.

Sumala ni Gultiano, nagpabiling missing gihapon ang gi-abduct nga suspek nga si Cpl. Romart Longakit ug Cpl. Rolly Cabal human kini mag-absent without official leave (AWOL).

Abli ang SITG sa mga dugang witness kung aduna gayod kiniy saktong impormasyon nga makatabang sa paghata’g hustisya sa pagpatay kay Plaza.

Kahinumduman nga base sa imbestigasyong gihimo sa SITG gitudlong mastermind sa krimen si kanhi 1001st Brigade ug ex-Presidential Security Group chief BGen. Jesus Durante III ug sa partisipasyon sa iyahang deputy nga si ug Col. Michael Licyayo diin pareho silang nagatubang og mga kasong Murder ug Obstruction of justice (PD 1829).

Nakakustodiya si Durante ug Licyayo sa Army headquarters sa Fort Bonifacio, Taguig samtang gibutang ug restricted sulod sa 10th ID ang mga suspek nga sila SSG Gilbert Plaza, Team Leader, CPL. Adrian Cachero, Motorcycle Driver, gunman nga si Sgt. Delfin Sialsa.

RadyoMaN Aimee Guinita