Publiko gipahimangnoan nga likayan ang pagkaratol panahon sa linog

Davao City – Subling nagpahimangno sa publiko ang Barangay Disaster Risk Reduction Management Council (BDRRMC) sa Talomo Proper ning syudad nga dili mataranta panahon dunay linog nga masinatian.

Sumala ni Nathaniel Barrera, Team Leader sa BDRRMC sa maong barangay nga kinahanglan maglusad og earthquake drill sa mga call centers og mga establisemento aron masayud sila unsa ang angay nila himuong panahon nga dunay linog.

Gidugang ni Barrera nga panahon sa linog kinahanglan mag ‘duck, cover and hold’.

“Mas delikado nga during sa shake (or) naglihuk pa, unya ikaw nagdagan, naay posibleng matumba pa hinuon ka diha. Pahimangno sa publiko dapat aware ‘ta tanan sa panghitabo, kung naa man tay drill kinahanglan mo participate para atleast kabalo ‘ta unsay angay buhaton,” sulti ni Barrera.

Kahinumduman nga mitay-og ang magnitude 6.0 nga linog alas 6:44 kagabii, Pebrero 1,2023 diin ang sentro niini ang New Bataan, Davao de Oro.

RadyoMaN Don Pulayao

Facebook Comments