Resolution nga pagconvert sa Upper Valley Community Hospital sa SOCSARGEN General Hospital ginaduso.

Isa ka resolution sa subong ang ginaduso sa Sangguniang Panlalawigan nga nagaconvert sa Upper Valley Community Hospital sa SOCSARGEN General Hospital sa banwa sang Surallah agud nga pormal na suno pa nga maturn-over ang nasambit nga balay bululngan sa Department of Health.
Ini matapos nga pirmado na ni Presidente Rodrigo Duterte ang bill nga paghimo nga regional hospital sa Upper Valley Community Hospital sa banwa sang Surallah.
Suno pa kinahanglan ang nasambit nga resolution agud nga matransfer na sa DOH ang operation tungod magahalin na sa ila ang pondo sa pagpadalagan sang balay bululngan.
Sa subong suno pa ginatun-an na sang IPHO ang mangin terms and condition partikular na sa status sang mga empleyado, mga gamit nga ginapanag-iyahan sang provincial government kag iban pa.
May-angot sini, serye pa sang committee hearing suno pa ang ipatigayon sang Sangguniang Panlalawigan angot dire sa diin ipatawag nila ang taga-IPHO kag representante sang DOH.
Samtang sa subong suno kay Dra. Ana Marie Tuburan, Chief of Hospital nagapadayon ang pagbutang sang pasilidad sa balay bululngan kag amat-amat naman nila nga ginarequest ang mga hospital equipments sa DOH.
Aminado man si Dra. Tuburan nga madugay pa nga maturn-over ang hospital matapos nga target pa nila nga malevel 1 ang Upper Valley Community Hospital.