“Sentido pero con Respeto” – este el reaccion del Alcalde Beng Climaco- Salazar amediante el oposisyon del su ka-partido consejal Josephine Pareja por este ya anda engcontra con el profuesto amendamiento del ordinansa ta manda quita con el pago na escusao del Paseo del Mar.
Asegun con el alcalde Climaco, querrer del publico amediante del mga reclamo del umal servicio de mantenccion del escusao na mensyonao lugar, para si fuede quita ya lang con el pago de singco peso cada miyada na escusao de publico porcausa cay este hinde mas suitable para el uso con pago.
Recomandaccion del alcalde pormedio del oficina del administrador para propone ya lang el quitada del pago na escusao y amienda con el ta existi ordinansa na consejo.
Si ta acorda, del pasao session el consejal Elbert Atilano ya propone este ordinansa para quita con el pago na escusao del Paseo del Mar, sin embargo ya muri el su mosyon, desfues ya falta un boto el su grupo, desfues ya falcia esta convensido si Pareja con el proposisyon de Atilano, rason para desaleja el proposito y nuay apruba el mayoriya.
Asegun con el alcalde, masquin uban disuyo na partido si Pareja, debe tambien ele respeta el saver y opinion de este llegar el descutida del mga asuntos del fueblo que chene que hace para el beneficio del publico. – *Bhong Simbajon/RMN News*
