Responsabling pagmina gi-imposar sa DENR-10 sa probinsya sa Bukidnon

Lakip karon nga gitutukan sa Department of Environment and Natural Resources (DENR)-10 ang mga adbokasiya kabahin sa responsabling pagmina dinhi sa rehiyon lakip ang Bukidnon nga gitombok sa maong mga lugar.

Kini human magpagawas sa mga pagtoon ang (DENR)-10 pinaagi sa Mines and Geosciences Bureau (MGB)-10 atol sa gipahigayon nga forum sa responsible mining nga mga tahas ilalum sa tema nga “Know Mine, Know Life: Upholding Responsible Mining in the Region 10,”.

Atoll sa maong kalihokan mi pa ambit sa pulong si Environmental Management Bureau (DENR-EMB)-10 Regional Director Reynaldo Digamo nga dako na ug nahimong epekto nga negatibo ngadto sa kina-iyahan ang mga dili insakto nga pamaagi sa pag mina ug nag kinahanglan kini ug dugang mga programa.

Nasayran nga sa tuig 2021 lamang dunay 36 ka mga mining permit ang gitugotan dinhi sa intero rehiyon nga gilangkuban sa exploration, mineral processing, ug sand and gravel.

Samtang sa pagkakaron muabot sa 456 ka permits para sa mga extraction sa mga quarry resources ug lakip niini ang mga area sa Bukidnon.