General Santos City–Posible nga usa ra ka grupo ang responsabli sa serye sa basag kotse sa syudad sa Gensan partikular na sa area sa Police Station 3 ug Police Station 4, mao kini ang nahimong pagbutyag ni Police Sr. Inspector Davis Dulawan, ang hepe sa Police Station 4.
Sumala pa PSI Dulawan nga basi sa ilang imbistigasyon magkaparehas ang pamaagi o Stratehiya sa pag pangbiktima sa mga suspect sa mga sakyanan nga ilang gikawatan sa Tiongson Street, Barangay Lagao ug gawas sa simbahan sa St. Michael Parish Church kung diin gigamitan ug screw driver.
Sa kasamtangan padayon pang ginasuta sa kapulisan kung silang si kinsa ang mga nagpaluyo sa maong mga minor de edad aron nga himuon ang pagpanglungkab ug sakyanan.
Nasayran nga Una nang nasikop sa operatiba sa Police Station 4 ang usa ka 15 anyos nga minor de edad nga itago lang sa pangalang Alias Jomar nga taga Barangay Tambler, Gensan kansa maoy gitudlo sa mga witness nga responsabli sa pagpanglungkab sa usa ka sakyanan ilawom sa AOR sa Police Station 4.
Sa karon ang nasampit anaa na sa Kustudiya sa CSWDO-Gensan, samtang gina suta pa karon sa kapulisan ang mga barkada sa suspect kung nalambigit ba sa samang binuhatan.(Dave Silagan)
