Davao City – Gihangyo ni Davao City Association of the Barangay Captains President Edgar Ibuyan Senior ang mga Dabawenyo nga magresponsable sa paglabay sa basura.
Kini human nahibaloan nga usa sa hinungdan sa pagbaha sa Laverna Hills Subdivision Road sa Buhangin mao ang mga plastic cellophane ug mineral bottles nga nagbara sa mga canal.
Segun ni Ibuyan nga hangtud dili magmatngon ang katawhan sa mga ordinansa labot sa sakto nga paglabay sa basura magpabilin gayod nga suliran sa siyudad ang mga pagbaha.
Gipahinumduman usab sa konsehal ang tanan ug samot na mga establisemento sa dili paggamit og plastics maingon man ang garbage segregation nga anaa sa mga ordinansa sa dakbayan.
Alang sa opisyal, panahon na aron balikan sa lokal nga kagamahanan ang ‘waste-to-energy’ technology nga giduso sa nasud Germany pila na ka tuig miagi.
RadyoMaN Joel Viray
