*General Santos City— Gipaklaro ni Gensan City Mayor Ronnel Rivera nga walay total lockdown nga mahitabo sa dakbayan sa Gensan apan adunay mga restriction sa kinahanglang sundon hilabina sa mga dapat ug dili dapat pasudlon sa dakbayan.*
*Pamahayag niya nga gawas sa maong lakang, aduna usab i-implementa nga curfew nga magsugod ug alas 9 sa gabii hangtud a alas 4 s akadlawon kung asa ang mga madakpan nga dili magpatuo ang dalaon sa mga presinto.*
*Apan giklaro niya nga sa ipatumang curfew adunay exempted hilabina ang mga nagatrabaho panahon sa kagab-ihon pribado man o panggobyerno.*
*Pamahayag niya nga ang maong lakang sa lokal nga panggamganan sa dakbayan ang dili gumikan sa panic tungod sa COVID-19 kundili aron nga mahatagan ug proteksyon ang katawhan nga dili mataptan sa maong virus.*
*Atol sa gihimong press conference gipaklaro niya nga tugutan gihapon nga makagawas-sulod sa dakbayan ang mga magdala ug pagkaon ingon man ang mga nagatrabaho sa dakbayan o sa Gensan nagapuyo nga anaa sa ubang dapit naga-trabaho.*
*Kini mulungtad ug usa ka bulan alayon sa naunang deklarasyon sa kauluhan nga magpatuman ug us aka bulan nga mga suspension sa halos tanang aktibidad.*
