General Santos City— Padayon pa ang ginahimong imbestigasyon sa kapulisan sa sumala pa pagpakamatay sa usa ka CAFGU nga si Caloy Aglo, 23 anyos nga taga Jose Abad Santos, Davao Occidental.
Sumala kang Police Chief Inspector Peter Pinalgan Jr., hepe sa Police Station 3 nga sa karon ilaha pang ginapa-abot ang resulta sa ballistic examination ug paraffin test nga gihimo sa SOCO ngadto sa biktima.
Apan basi matud pa sa inisyal nilang pagsuta naghikog ang biktima basin a usab sa pamahayag sa mga kaubana niini apan unsa man ang resulta sa SOCO, kini makahatag ug dugang ebidensya ug katin-awan kung naghikog gyud ang biktima o kung adunay foul play.
Dugang pamahayag ni PCI Pinalgan nga basi sa ilahang gihimong pagsuta sa temporaryong nagpabilin sa may Asinan, Brgy. Buasyan ang mga nahisgutang CAFGU gumikan nagpa-abot ug mando alang sa ilahang umaabot nga misyon.
Sumala matud pa sa higala niini nga duygay na nga gustong mupauli sa biktima sa ilahang lugar apan wala kini gitugtan. Sa karon amtud pa ilaha pang gina-imbestigahan ang tinuuray nga hinungdan sa kamatayon sa nasangpit nga biktima.
