General Santos City–Dako ang panghinaot ni Dr. Ryan Aplicador, ang hospital Chief ng Dr. Jorge Royeca Hospital nga dili magpositibo sa Meningococcemia ang 15 anyos nga dalagita nga nakaconfined karon sa maong ospital.
Sumala niini nga sa karon wala pa miabot ang resulta sa confirmatory test nga gipahigayon sa dugo sa biktima nga una nang gipadala didto sa kauluhang manila.
Dugang pa niini nga higayon nga magpositibo ang resulta ilang ipasa ang impormasyon ngadto sa City Health Office aron sutaon ang gigikanan sa biktima ug aron sayron kung duna pay laing nakasinati ug sentomas sa maong balatian.
Gihingusgan usab ni Dr. Aplicador nga hangtod wala pay resulta ang confirmatory Test dili angayang mabalaka ang katawhan.
Sumala pa niini nga basi sa iyang kasinatian isip doctor dihang siya didto pa sa kauluhan, dali ra tambalan ang maong sakit basta malapatan lang gilayon ug tambal ang infected niini.
Samtang gikumperma ni Dr. Aplicador nga dili kini ang unang kaso sa suspected Meningococcemia sa gensan apan iyang giklaro nga wala pay nagpositibo niini.
