Resulta sa One Time Big Time sa Polomolok, usa ka dakong kalampusan-PSI Albano

49

General Santos City–Gikonsidera ni Police Sr. Inspector Romeo Albano, Deputy Chief Of Police sa Polomolok PNP nga usa ka dakong kalampusan ang resulta sa gihimong One Time Big Time sa ilang tropa inubanan sa RMFB ug RPDEU-12 sa tulo ka barangay sa lungsod niadtong nakalabayng adlaw.

Nasayran nga sikop silang si Suharden Paraloma ug Raymond Macaludos Paraloma parehong residenti sa Purok Maguindanao, Barangay lumakil, Adrian Abanes, legal age, Butch Soberano nga residenti sa barangay poblacion, polomolok ug Japhet Damayo.


Kagahapong adlawa, hingpit nang napasang-at ang tukmang kaso batok sa mga nasangpit.

Nasayran nga pipila sa mga dinakpan nakuhaan ug armas ug shabu, samtang aduna usay nakuhaan ug explosibo ug shabu. Atol sa ronda aduna usay nag-negatibo apan mas daghan ang nagpositibo.

Gikumperma usab ni PSI Albano nga walay grupong gikalambigitan ang ilang mga target sa maong operasyon. Dili usab sila mga gun for hire, sila naghupot ug armas isip proteksyon matud pa sa ilang mga kaugalingon gumikan sa ilang iligal nga gimbuhaton.

Samtang gibutyag pa ni Albano nga ang mga suspek mga notoryos gyud nga tigbaligyaan ug droga sa lungsod sa Polomolok.




Facebook Comments