Ginkwestyon sang Malacañang ang resulta sang research sang pila ka kilala nga unibersidad sa pungsod angut sa giyera kontra droga sang gobyerno.
Santo sa datos sang Ateneo de Manila kag De La Salle University, nagwa nga ang mga imol ang pinakaapektado sa war on drugs sang Duterte administration .
Suno kay Presidential Spokesman Harry Roque, wala niya ginakwestyon nga ang mga imol ang target sang war on drugs bangud nakatutok gid man ini sa mga lugar nga madamo sang mga imol kon sa diin lapnagon ang paggamit sang shabu.
Ginpahayag ni Roque nga ang kwestyonable sa pagtuon amo nga kon gintan-aw gid man bala sang mga ini kon ang ma napatay nga imol ang bangud sa giyera kontra droga.
Suno pa sa iya nga dapat gin-isa-isa sang mga naghiwat sang pagtuon ang mga kaso agud makasiguro.
(photo from web)
