General Santos City—Human ang maduguong engkwentro tali sa mga tropa sa 27th Infantry Battalion og 33rd IB sa Philippine Army batok sa mga teroristang grupong New People’s Army kon NPA sa kabukirang bahin sa South Cotabato kagahapong adlawa nga gikamatay sa duha ka mga sundalo og pito matud pa ka mga supporters og sympathizers sa NPA.
Matud pa sa pamahayag ni Police RegIONAL Office 12 Spokesperson Aldrin Gonzales sa pakighinabi kaniya sa RMN Gensan nga aduna nay gipagulang kamanduan si Police Chief Supt. Cedrick Train, ang Police Region 12 Director nga sa pagkakaron aduna nay gihimong realignment sa tanang mga mobile forces sa region 12 isip pagpangandam sa posibling surprising pagpanimalos sa mga rebeldeng NPA sa tanang mga kwerpo sa kapulisan.
Gi dugang pa ni PCI Gonzales nga sa pagkakaron nagpahigayon na usab ang PNP Region 12 og mga “community works” aron kontrahon ang mga ginahimong mga propaganda sa NPA sa mga lumad sa kabukiran.
Samtang suportado usab ni RD Train ang deklarasyon kontra NPA ni Pangulong Rodrigo Duterte nga kabahin na sila sa mga terorista tungod sa sunod sunod nilang mga “extortion activity”.
Tungod sa maong deklarasyon dina mamahimo pang makig negosasyon ang gobyerno sa mga NPA tungod sa gikunsidera na silang mga terorista. Sa pagkakaron nagpabiling anaa sa red alert status ang tanang istasyon sa PNP sa tibuok rehiyon dose.
