Mambusao, Capiz- Magapangatubang sang kaso nga paglapas sa RA 10591 ukon Comprehensive Law on Firearms and Ammunitions Act ang 81-anyos nga retirado nga manunudlo matapos nga makumpiskahan ini sang pusil samtang yara sa Mambusao cemetery, alas 3:30 karun sang hapon. Natigayon nga marekober kay Napoleon Jumbas y Leal sang Samson St. Poblacion Tabuc, Mambusao ang isa ka unit sang .9mm Taurus pistol, isa ka magazine kag onse ka bala. Nasiplatan sang mga kapulisan ang ginadala sini nga pusil. Sang ginpangitaan sang dokumento, nadiskubrehan nga expire na ang lisensya sang amo nga pusil. Nahibaluan nga base sa Oplan Ligtas Undas 2019 sang PNP, hugot nga ginabawal ang pagdala sang mga patalom kag pusil sa sulod sang sementeryo.
Facebook Comments
