South Cotabato— gikasuhan na pinaagi sa Inquest Proceeding ang retiradong Pulis ug kaubanan niining mag-uuma kansa una nang nasikop sa Operatiba sa Tboli PNP gumikan sa paghupot ug iligal nga armas.
Gikumperma mismo ni Police Chief Inspector Ramil Villagracia, Hepe sa Tboli PNP sa RMN Gensan nga karong buntag lang ila nang napasakaan ug kasong kalapasan sa Republic Act 10591 ang mga suspek nga silang si SPO4 Teodorico Babao Bastan Jr., 65, minyo, Retired PNP member nga kanhing nadestino sa Traffic Management Unit sa Gensan City Police Office ug residente sa maong lugar ug Jony Bacaling Celiz, 36, minyo, mag-uuma ug residente sa Barangay Simbo, Tupi, South Cotabato.
Kahinumduman nga nakuha sa posisyon sa retiradong Pulis ang (1) ka unit sa Ingram MC11 Caliber 9mm, (1) ka magazine ug (5) ka mga bala. Samtang Nakuha usab gikan sa posisyon ni Celiz ang (1) ka unit sa 38 pistol ug (1) ka magazine nga dunay upat ka mga bala.
Gikumperma usab ni Villagracia nga adunay standing warrant ang nasangpit nga pulis sa kasong R.A. 9262 sa Davao City.
Sa karon commitment order nalang ang gipaabot sa Tboli PNP aron nga mabalhin na ang mga nasangpit sa South Cotabato Provincial Jail.
