San Pablo, Zamboanga del Sur—-Patay diha dayon ang usa ka retiradong
pulis human madisgrasiya ang iyang gisakyang elf gikan sa Barangay
Villakapa padulong unta sa Barangay Poblacion sakop sa Lungsod sa San
Pablo, probensiya sa Zamboanga del sur.
Ang biktimang nakabsan sa iyang kinabuhi giilang si Oliver Bungabong, 69
anyos residenti sa Purok Mauswagon, Barangay Poblacion sa mong lungsod
kinsa naipit ang biktima sulod sa elfnga adunay plakang GGH 633 nga
iyang gimanehoan ala una pasado sa hapon Marso 16, 2018.
Kretikal usab ang iyang kauban nga si Baltazar Dag-uman kinsa gidali sa
pagdala ngadto sa balay tambalanan human usab kining nakaangkon og
daghang mga bun-og ngadto sa iyang kalawasan dihang maipit usab sa
sakyanan human kining madisgrasiya pag-abot sa Purok San Isidro sa maong
lungsod.
Sa pasiunang imbestigasyon sa kapulisan sa San Pablo, migawas nga
nawad-an og break ang elf nga gisakyan sa mga biktima hinungdan nga
mipadulong kini ngadto sa tuong bahin sa kanal nga diretsong mibangga sa
punoan sa manggang kahoy hinungdan sa kamatayon sa biktima.
Ang patay’ng lawas sa retiradong pulis gidala na sa ponerarya samtang
ang iyang kauban nga si Dag-uman anaa na gidala sa Zamboanga del sur
medical center sa siyudad sa Pagadian alang sa iyang pagpatambal. (Mel
Coronel/dxpr news team)
