Sarangani Province- Nahimong bisita sa Sarangani Province kagahapong adlawa, adlaw nga Martes, ang mga opisyales sa Korte Suprema gipangunahan ni retired Supreme Court justice og maoy labaw sa PHILJA *(phil-ja)* kon Philippine Judicial Academy nga si Justice Adolfo Azcuna, kauban si Supreme Court Administrator Attorney Jose Midas Marquez.
Alas nwebe (9) pa lang sa buntag kagahapon, sayo nga nahidangat ang mga nasangpit sa Provincial Jail sa Sarangani sa may Baluntay, Alabel aron personal nga saksihan ang pagpahigayon og court hearing sulod sa bus sa Justice on Wheels kon JOWS, gitaral ang hapit otsyenta (80) kabuok mga binilanggo. Giubanan sila ni Deputy Court Administrator Thelma Bahia.
Mismong si Governor Steve Chiongbian Solon ang nanguna sa pag-welcome kanila sa Provincial Jail. Kabahin kini sa pagpakusog sa programa gitawag nga EJOW o Enhanced Justice on Wheels.
Sunod nilang giadtuan ang Sarangani Capitol Gym, gitagaag mga lecture og mga update ang mga barangay kapitanes og mga barangay lupong tagapamayapa, ma-menos-menusan unya ang mga kaso nga masang-at sa mga hukmanan.
Nitapos ang ilang pagtuyok pinaagi sa pagpahigayon og Dialogue kauban ang mga local official sa Sarangani.
Segun ni Supreme Court Administrator Atty. Midas Marquez, anaa ang Dialogue aron mahisgutan ang paghatag og solusyon sa mga problema, kadtong angay pang ipalambo.
Sa bahin ni Justice Azcuna, napilian og ila matud pang giduaw ang Sarangani tungod kay nindot ang nahimong performance sa probinsya og ang kooperasyon sa mga opisyales. “Model” matud pa nila ang Sarangani maong nag-awhag kini nga sundugon sa ubang lalawigan sa Pilipinas ang Sarangani Province sa pagpa-apil sa prayoridad sa lokal nga panggamhanan ang pagtutok sa Justice System hilabi na ang para sa mga pobreng indibidwal. Si Azcuna ang usa ka Cebuano tungod kay natawo kini sa Dipolog, Zamboanga del Norte.
Walay laing nalitok nga pulong si Governor Solon kundili pasalamatan ang Korte Suprema. Kauban sila Senador Manny og Congressman Ruel Pacquiao, Vice Governor Elmer De Peralta, mga board member, og mga mayores, maanaa matud pa ang makanunayon nga pag-ayuda sa lokal nga gobyerno.
