Napasakaan na ug kasong Homecide ang 19 anyos na si Arlyn Sombice Niñal nga nakapatay sa usa ka kanhi public teacher nga si Iluminado Amper, 56 anyos, minyo, residente sa Purok 1, Brgy. San Pedro, Alegria, Surigao del Norte. Pamahayag ni SPO2 Alan Badajos kasamtangang nakadetain karon sa Alegria Municipal Police Station si Aryn.
Madumduman nga dead on arrival nga gidala sa Kitcharao District Hospital ang kanhi public teacher human kini tigbas sa suspect nga si Arlyn Sombice Niñal, 19 anyos, adunay live-in partner ug residente sa Purok 1, Brgy. Budlingin, Surigao del Norte.
Sa imbestigasyon nga samtang nagkaon sulod sa ilang balay ang biktima kauban ang iyang live-in partner nga si Herminigildo nakita niini si Iluminado Opalia Amper, nga naka-wig gawas sa ilang balay.
Ug sa dihang gigawas sa live-in partner sa suspek gisulayan sa biktima ug pusil si Arlyn apan wala makabuto sa shot gun nga gigamit.
Nakahigayon sa pagsulod sa atubangan nga pultahan sa balay si Illuminado mao nga gitigbas kini sa ulo ni Arlyn hinungdan sa kamatayon.
Gikataho nga ang napatay una nang naaresto kaniadto tungod sa warrant of arrest sa karong Rape batok sa biktima niadtong 2014 apan temporaryong gawasnon human nakapyansa.
Narecover sa crime scene ang Improvised Shotgun , napulo ka buhing bala, improvised caliber 22 pistol ug mga bala.
Sent from my Samsung Galaxy smartphone.
