Dipolog City-Nanawagan karon ang kahugpongan sa relihiyosong grupo ug suporta sa Kagamhanang-Lokal sa Dipolog sa ilang kawsa batok sa balaodnong Sexual Orientation, Gender Identity or Expression (SOGIE) Bill.
Kining maong panawagan gipalanog sa Peoples’ Coalition for Good Government (PCFGG), Ang PCFGG maoy usa ka malig-ong lokal nga koalisyon sa multi-sectoral ug interfaith organizations nga dunay kadugtong sa uban pang nasudnong organisasyon nga dunay adbokasiya sa maayong pang-gobyerno.
ilang gipahayag ang ilang hugtanong hiniusang pagsupak sa SOGIE Bill uban ang paghangyo sa alkalde ng suportahan ang ilang pagsupak sa maong balaodnon ug pag-awhag sa Sangguniang Panglungsod sa dili pagpanday ug ordinansa pabor niini.
Sumala pa ni Rev. Fr. Ramil Corong, ang sa balaodnon nga gipanday sa kongreso, ilalom sa House Bill 4982 ug Anti-Discrimination Bill No. 952 sa senado dunay mga probisyon diin nasulod ang absolute divorce bill ug same sex marriage bill nga dugay rang gisupakan sa Simbahang Katoliko ug sa PCFGG.
Malaumon ang pangulo sa Diocesan Social Action Center nga si Rev. Fr. Ramil Corong nga suportahan ni Mayor Uy ug Sangguniang Panlungsod sa Dipolog ang ilang adbokasiya nga babagan ang SOOGIE Bill aron dili kini mahimong hingpit nga balaod.
