Davao City – Gikontra karon ni Davao City District Three Councilor Joselle Villafuerte ang sugyot ni Senate President Tito Sotto nga ilisan ang pipila ka mga lyrics sa katapusang bahin sa nasudnong alawiton sa nasud sa Pilipinas.
Wala pabori ni Villafuerte ang buot mahitabo ni Sotto nga papason ang orihinal nga lyrics sa ulahing porsiyon sa ‘Lupang Hinirang’ ug ilisan kini og bag-ong linyada.
Walay nakitang bug-at nga rason ang magbabalaud-lokal sa ikatulong distrito aron bag-uhon ang mensahe sa katapusang bahin sa lyrics sa Philippine national anthem.
Alang sa konsehal nga haom na ang tibuok mensahe sa alawiton sa Pilipinas kay mao kana ang naghatag og bili ug importansiya sa mga sakripisyo nga gibuhat sa mga bayani alang sa nasud lakip na diha ang pagtanyag sa kinabuhi kun gikinahanglan sa nasud.
Maymay pa ni Villafuerte kang Sotto nga unahon og tagad ang mga nag-unang suliran sa nasud karon ug dili ang pag-otro sa lyrics sa ‘Lupang Hinirang’ nga naghatag og simbolo sa kagawasan gikan sa gahum ug kontrol sa mga Kastila.
RadyoMaN Joel Viray
