Manukan, ZDN- Tanggong pa karon sa balay bilangguan sa Manukan MPS ang duha ka mga dinakpan human sa gikasa nga operasyon sa nahisgutan nga stasyon sa pulis sa pagpanguna sa hepe nga si PSI Benjamin Napigkit didto sa may Brgy. Serongan, Manukan human naka dawat ug taho nga si Ello Bales alyas Boy kinsa adunay tanggong nga warrant of arrest anaa sa maong brgy.
Sa pagresponde sa PNP Manukan positibo ug gilayong nasikop kini, nag atubang kini sa kasong Qualified Theft of Coconut ilawom sa CC no. 22643 adunay pyansa nga 24,000mil alang sa iyang temporaryong kagawasan.
Samtang gihimo sab ang laing operasyon didto sa sitio Sitoy, Brgy. Pangandao, Manukan sa lain sab nga indibidwal ug nag atubang sad sa kasong Qualified Theft of Coconut.
Malampuson nga nasikop si Cerelo Ocom, 65 anyos nagpuyo sa nahisgutan nga barangay, nagtagana sab ug 24,000mil nga pyansa ang korte ngadto sa dinakpan.
Sa ulahing impormasyon gibutyag sa PSI Napigkit, mo pyansa ang maong mga dinakpan sa dili madugay.
