CAUAYAN CITY — MULING ILULUNSAD SA LUNGSOD NG CAUAYAN ANG PROGRAMANG “PULISYA TI UMILI” NA LAYONG MAGSILBING DAGDAG PANANGGA LABAN SA KRIMINALIDAD.
SA ILALIM NG PROGRAMA, MAGSASANIB-PUWERSA ANG MGA BARANGAY TANOD AT ANG LOKAL NA KAPULISAN UPANG MAS MAPALAKAS ANG SEGURIDAD AT MABILIS NA MATUGUNAN ANG MGA INSIDENTE SA KANI-KANILANG KOMUNIDAD.
AYON KAY ISABELA ANTI-CRIMINALITY TASK FORCE CHAIRMAN YSMAEL ATIENZA, ANG PAGBABALIK NG NATURANG PROGRAMA AY HINDI LAMANG MAGBIBIGAY-DAAN SA MAS MAIGTING NA PAGBABANTAY KUNDI MAGSUSULONG DIN NG MAS MATIBAY NA KOOPERASYON SA PAGITAN NG MGA RESIDENTE AT AWTORIDAD.
INAASAHANG MAS MAGIGING EPEKTIBO ANG PAGPAPANATILI NG KAAYUSAN SA PAMAMAGITAN NG MAS MALAPIT NA KOORDINASYON NG MGA TANOD AT PULISYA, LALO NA SA MGA BARANGAY NA ITINUTURING NA VULNERABLE SA KRIMINAL NA AKTIBIDAD.
