RIAS XI: Body worn cameras gi-require sa mga kapulisan atol sa operasyon

Davao City- Striktong gi-require ang matag pulis nga i-rekord ang ilahang mga police operations partikular na sa pagsilbi og warrants.

Sa eksklusibong interbyu sa DXDC RMN Davao kang PBGEN Oscar Nantes, Regional Internal Affairs Service Regional Director, giingon nga ang kapulisan sa Rehiyon 11 naningkamot sa pagsubay sa latad sa balaod ilabi na ang pag gamit ug body-worn cam or alternative recording device sa pag implementar sa mga warrants ug sa ubang police operations.

“Itong paggamit ng body worn cam or ARD ay parang may witness din ng PNP na ginagawa nila ng tama ang pag-implement at pag-conduct ng operations against sa mga suspects and criminals and other personalities,” matud niini.

Tungod adunay kakulangon gayod sa issued body cameras sa PNP gitugot ang alternative recording device sa pag-capture sa mga police operations.

Segun ni Nantes adunay giimbestigahan karon ang RIAS XI nga mga pulis kansang naka-violate sa compliance sa body cameras atol sa gilusad nga operasyon.

RadyoMaN Aimee Guinita