Gipangulohan karon ni National Food Authority (NFA) Council Chairman Leoncio Evasco, Jr. ang usaka news conference kalabutan sa NFA rice supply situation sa nasud.
Matud ni Evasco, ang buffer stock gitumong kini alang sa panginahanglanon sa katawhan atol sa mga kalamidad, disasters ug uban pang malisud nga mga sitwasyon.
Gimando usab ni Evasco ang pag-monitor sa stocks sa mga private cereal retailers diha sa mga bodega kun warehouses taliwala sa suspetso sa pipila ka mga sektor nga adunay hocus-pocus kun mafia o bin ba kaha sindikatong nag-manipular sa stocks sa imported rice pinaagi sa hoarding aron madiktahan ang presyo niini sa mas daku-daku nga kantidad.
Bahad ni Evasco ngadto sa mga salawayon ug bentahosong negosyante kun rice traders nga usaka dakung kasal-anan ang pagtipig sa supply sa bugas makonsidera nga economic sabotage, criminal offense ug highly immoral.
Una niini, gilaraw sa mga senador nga imbestigahan karong February 27 kun aduna bay lama sa kamatuoran ang alegasyon nga stocks hoarding ug price manipulation.
RadyoMaN June Duterte
