Davao City – Lauman karong bulana nga magsugod na ang inspeksyon sa mga bodega sa rice producers pinaagi sa gipagulang Executive Order No. 23 ni Davao City Mayor Sara Duterte-Carpio nga magmugna og task force aron maseguro ang presyo og supply sa bugas nga anaa sa regylated limits.
Kini maoy gibutyag ni Second District Davao City Councilor Marissa Abella.
Langkuban kini sa representante gikan sa City Mayor’s Office, City Council committee on food and agriculture, City Economic Enterprises, City Agriculturist’s Office, Department of Trade and Industry ug ang Department of Agriculture regional office.
Samtang gibarugan karon ni Abella nga kinahanglan magtanum ug palamboon ang industriya sa bugas dinhi sa syudad sa Davao aron masolusyonan ang rice shortage sa Pilipinas.
Sumala niini nga dili supisyente ang supply sa bugas dinhi sa syudad diin nasayran nga 10% lamang ang kayang maprodyus.
Gani nagsugyot ang maong konsehala nga palamboon pa ang mga kabukiran sa Davao partikularmente sa Marilog District.
“Dili siya flat like mga producers sa Banay-Banay but we can adopt the Benguet technology,” segun niini.
Gi-awhag usab ni Abella ang katawhan nga kung mamahimo limitahan ang pagkaon sa bugas ug sulayan ang mga root-crops.
RadyoMaN Jason Amisola
