Nagtaliwan na sa edad nga 65 ang beterano nga singer nga si Rico J. Puno kaina sang kaagahon.
Ini ang ginkumpirmar sa post sa social media sang iya sister in law kag concert producer nga si Anna Puno.
Cardiac arrest ang kinamatyan ni Puno suno sa iya manager nga si Norma Japitana.
Damlag lang sang gindumdom ni Rico ang iya ika-40 nga tuig sa show business.
Gindala sa St. Luke’s Hospital ang singer sadtong Dominggo para sa regular check up pero wala pa ini ginpagwa sa ospital kag didto na siya ginbawi-an sang kabuhi.
Madamo naman sang mga kapwa niya singer kag artista ang nakig-unong sa pamilya sang singer. -RCSG
Facebook Comments
