Davao City- Patay ang usa ka driver sa motorsiklo human niya nabanggaan ang usa ka truck sa may Km 23 Maharlika National Highway Bunawan District ning dakbayan sa Dabaw alas 10:30 kagabii.
Ang biktima giila nga si James Catampo Jumarito, 36 anyos nga taga Purok 3 San Isidro Bunawan ning syudad samtang ang driver sa truck giila nga si Rolando Tachada Jr nga taga-Mauswagan, Comval Province.
Base sa imbestigayon ni PO1 Joel Villegas sa Bunawan PNP, samtang nagmaneho ang biktima sa iyang motor, wala niini mabantayi nga aduna diay nadautan nga truck nga hinay ang padagan nga nag una kaniya hinungdan nga nabangga kini sa likod nga bahin sa truck.
Daling gidala ang biktima sa SPMC apan namatay ra kini alas 11:32 sa kagabhion.
Gituhoan nga hubog ang biktima atol sa nahitabong insidente.
Posibleng pasakaan og kasong Reckless Imprudence resulting in Homicide ang driver sa truck.
Kasamang Don Pulayao
