Sa report sa Maa Police Station Traffic Section, nahitabo ang insidente alas-4:20 sa hapon niadtong Sabado, Nobyembre 11,2023 diin ang motor gabyahe gikan sa northbound samtang ang tanker gikan sa southbound area.
Namatikdan sa drayber nga giilang si Rogelio Delos Reyes nga nawad-an na’g brake ang tanker sa may downhill ug kurbada nga portion, nidesisyon kini nga mubalhin sa pikas linya aron makalikay nga daghang maligsan, apan nisalpok na hinuon kini sa bumper sa motor sa biktimang si Mark Dave Daniel, 23 anyos ug taga-Villarica, Midsayap, North Cotabato.
Napasok ang rider sa ilawom sa tanker ug nakahigaom og mga injuries sa kalawan.
Gipangdasmagan usab sa tanker ang punuan sa kahoy, poste sa kuryente ug pader sa usa ka balay atol sa maong disgrasya.
Gidala ang biktima sa SPMC apan nakabsan na kini sa iyahang kinabuhi samtang ang drayber nakadetino karon sa Custodial Facility sa Maa Police Station ug mag-atubang og kasong Reckless Imprudence Resulting to Homicide ug Damage to Property.
RadyoMaN Aimee Guinita
