RIDING IN TANDEM | Deputy Chief of Police sang Guihulngan City Police Station, ginluthang-patay!

344

Negros Oriental – Patay ang hepe sang Guihulngan PNP matapos ini ang ginluthang kaina alas 10:25 sang aga sa Brgy. Poblacion, Guihulngan City, Negros Oriental.
Ginkilala ang biktima kay Police Senior Inspector Porferio Gabuya Jr, nga nag-angkon sang “multiple gunshot wounds” sa iya lawas.
Suno sa report, nagapangape sa isa ka tindahan ang biktima pila ka metros halin ila police station sang may nagdulog nga isa ka itom nga motorsiklo sakay sa duha ka wala makilala nga persona kag ini ang ginluthang sang makapila ka beses.
Ginapahayag nga M4 rifle nga armasluthang ang gingamit sang mga suspek nga nakapanabon sang ila mga nawong.
Nahibaloan nga wala na sang kabuhi sang gindangat sa ospital ang nasambitan nga pulis bangud sa patal nga pilas nga iya naangkon.
Sa subong ginahibalo pa sang mga kapulisan ang motibo sang krimen kag identity sang mga suspetsado nga insigida nga nagpalagyo sang makomiter ang krimen.

Facebook Comments