ILOILO CITY – Natalana nga magasapol ang Iloilo Batiano River Development Council agud hambalan ang epekto sang construction sang esplanade 4-6 sa mga mangroves sa Iloilo river.
Ini ang nahisugtan matapos magsapol ang mga tiglawas sang DENR, DPWH, kag CENRO kasunod sang reklamo nga nag-yellow ang dahon sang mga mangroves sa lugar kun sa diin ginaconstruct ang esplanade 4-6 sang DPWH.
Katuyuan sang sinapol nga makadihon sang mga tikang agud maamligad ang mga mangroves sang indi naman maapektuhan ang proyekto.
Una diri ginmanduan sang DENR ang DPWH nga dapat may culvert ukon tamburong sila nga ibutang agud makasulod ang salt water sa lugar kun sa diin ginaconstruct ang slope protection para sa esplanade nga may nagakabuhi nga mangroves.
Matandaan nga nagreklamo mismo ang CENRO sa epekto sang proyekto sa mga mangroves halin sa Iloilo bridge sa diversion road tubtob sa likod sang Gaisano city La Paz kag River Queen Hotel.
Photo via Antoine Gregg Blog
