Manila, Philppines – Pagpatak ng alas 6 y media ng umaga sa Sabado, December 30, isasara muna sa mga motorista ang kahabaan ng Northbound at Southbound Lane ng Roxas Blvd, mula Katigbak Drive hanggang TM Kalaw.
Ito ayon sa Manila Police District Traffic Enforcement Unit, upang bigyang daan ang aktibidad para sa paggunita ng ika-121 anibesaryo ng kamatayan ni Gat. Jose Rizal.
Sa mga motorista na dadaan sa Northbound ng Roxas boulevard, pinapayuhang kumanan na lamang sa TM Kalaw, kumaliwa sa Ma. Orosa patungo sa destinasyon.
Para naman sa mga dadaan sa Southbound, na magmumula sa Delpan bridge – Pier Zone, makabubuting kumaliwa sa P. Burgos, kumanan sa Ma. Orosa papunta sa destinasyon.
Sa mga magmumula naman sa Mac Arthur, Jones at Quezon Bridge, na tutunggo sa Southbound Lane ng Roxas Boulevard, makabubuting dumaan na lamang sa Taft Avenue.
Sakaling kakailanganin, bubuksan sa trapiko ang Katigbak Drive, Independence Road at Southbound Drive.
