Davao City – Aron markahan kining adlawa nga usa ka espesyal nga anib sa kasaysayan sa Radio Mindanao Networks, saulogon sa entero organisasyon ang ika-65 anyos nga kasumaran sa kamugnaan niini.
Dinhi sa dakbayan sa Davao, saulogon ang anibersaryo pinaagi sa ilusad nga ‘Mission 2017: Handang Tumulong Sa ‘Yo Medical Mission sa Erico Nograles National High School sa may Barangay 37–D Trading Boulevard.
Adunay libreng medical checkup, medisina, eye checkup, pre-natal, pedia, massage ug uban pang serbisyo publiko.
Karon sang adlawa, pukawon kita uban sa mensahe gikan mismo sa amahan sa network karon, Mr. Eric Canoy, Chairman and President kinsa gilaumang mohatag sa iyang mensahe pinaagi sa homepage sa bag-ong website sa sibyahanan rmn.ph diin ilatid sa network top brass ang mga kalampusan ug direksyon sa RMN sa taliabot nga katuigan lakip na ang rumbo paingon sa digital platform.
Inspirasyon gihapon sa bag-ong henerasyon sa mga RMN broadcasters ang gitipigan nga mensahe sa audiotape sa Founder nga si Don Henry R. Canoy, kansang unod unang gipaambit sa mga kadagkuan sa network atol sa usa ka Station Managers Conference gipahigayon dinhi sa Davao.
Sa iyang mensahe, iyang gihagit ang mga bag-ong network personnel: “I have faith in the next generation.Though I won’t be around to see it happen, I know that they will bring RMN to greater heights and turn it into something bigger than I ever dared, imagined or aspired for.”
