Davao City – Kapin unom na ka dekada nga nagapangalagad ang Radio Mindanao Network (RMN) Inc. pinaagi sa paghatud og mga balita, pagserbisyo nga tiunay, kalingawan, ug mga drama.
Usa si Davao City Association of the Barangay Captains President Councilor Edgar Ibuyan Sr. ang nagpamatuod sa walay puas nga pagserbisyo, paghatud sa mga balita, ug pagtabang sa katawhan sa RMN sulod sa 68 na ka tuig.
Malipayon ang konsehal nga natawo ang RMN kansang ang gipanumpaan mao ang walay kukahadlok sa pagbutyag sa kamatuoran ug hiwi nga binuhatan ug pagbatikos sa mga empleyado ug mga opisyales sa gobyerno maingon man ang paglaban sa mga dinadaugdaog.
Alang sa konsehal, patas ug dili bias ang RMN sa pagpresenta sa ilang mga balita ug sa mga impormasyon nga gihatag ngadto sa minilyon ka mga pilipinong tigpaminawan diin sukad kaniadto hangtud karon, wala gayod sila mibuwag sa pagpamati sa nabantog nga Radio Mindanao Network.
Gidayeg sa Davao City ABC President ang pagkamatinahuron ug ang professionalism sa mga RadyoMaN sa paghatag og kahigayonan sa mga gipangreklamo aron makatubag sila sa sumbong kon isyu nga gibato nila.
Nagustohan sa opisyal ang maayong tratamento kon pamatasan ginapakita sa mga RadyoMaN ngadto sa mga interviewees diin una ibutang sa ere, ginasuta usa gikan sa mga interbyuhonon kung okay lang ba kanila ang pagbutang kanila sa kahanginan.
Kumpiyansa si Councilor Ibuyan Sr. nga magpabilin ug dili mubiya sa serbisyo ug paghatud sa mga balita ug mudapig sa kamatooran ang RMN nga maoy hinungdan ngano gimahal kini pa’g maayo sa mga Pilipino nga halos pito na ka dekada nangalagad sa tibuok nasud.
Ang DXDC 621 RMN nga AM station sa RMN, padayon nag-una sa mga istasyonan sa rehiyon XI nga mas gipaminawon sa baga‘ng duot sa katawhan kon sa mga dabawenyo ug ang kamatooran ani mao ang mga surveys nga gibuhat sa Kantar Media diin nasuta nga nagpabiling number one sa kasingkasing sa mga dabawenyo ang RMN.
RadyoMaN Joel Viray
