Napahimuslan sa mga katawhan ang Medical Mission nga gimugna sa RMN DXCC 828 ug iFM 99.1 Cagayan de Oro nga gipahigayon sa Gaston Park. Kini alayon sa pagsaulog sa ika – 66th Anniversary sa RMN nga unang gitukod niadtong Agosto 28, 1952 ning syudad.
Gidagsa sa bagang hut-ong sa katawhan gikan sa mga nagkalain-laing barangay ning syudad ug mga kasikbit nga lugar ang maong kalihokan nga inabagan sa Tabang Mediko ni Mayor Oscar Moreno.
Lakip sa napahimuslan sa katawhan ang programa gikan sa CSWD Eye Care ug Surgi-Care kung diin gipang apud-apud ang mga reading glasses ug giatiman ang mga kasinatian sa panglawas. Samtang naka angkon usab ang uban sa pagparehistro sa buhatan sa Philhealth nga walay bayad.
Dugang pa sa naangkon nga serbisyo sa katawhan ang pagparehistro sa Civil Registry nga libre, Correction of Entry ug Late Registration.
Sa pikas bahin, ang kapin 400 ka mga pasyente maoy nakaangkon sa pagpakunsulta sa mga doctor sa medical check up u gang uban nagpaibot usab sa ilang daot nga mga ngipon sa walay gastong salapi.
Gawas ni-ini, naa pay libreng mga tambal ang gipang-apud-apud kanila ug nakakaon sa lamian kaayong arrozcaldo.
Aduna ka bay reaksyon kabahin ning maong estorya? Ipabuhagay lang idol sa comment box ubos ning maong artikulo.
