Davao City – Kahayag sa Pasko mao si Kristo: Kini maoy buot ipaabot sa RMN Davao ngadto sa tanan subay sa paglusad og Radio Mindanao Networks kun RMN Christmas Tree Lighting 2019 nga gipahigayon niadtong December 20, 2019, adlawng Biyernes alas 7:00 sa gabii.
Sa mensahe ni Pastor Leobardo Daugdaug, DXDC Station Manager, ang dungan nga pagpasiga sa tanang Christmas lights nga anaa sa Christmas trees nga gi-montar sa mga AM ug FM stations sa RMN sa entero Pilipinas simbolo sa panghinaut sa RMN nga kitang tanan makasinati og masanagon nga pagsaulog sa Pasko ingon man sa pagsugat sa Bag-ong Tuig.
“Dili usab nato kalimtan, we are also celebrating ang tinuod nga diwa sa Pasko, gi-celebrate nato ang kahayag sa Pasko nga mao si Kristo… Ingon Siya (Kristo) diha sa John 8: 12, “I am the light of the world. Whoever follows Me will not walk in darkness, but will have the light of life.”
“He is the central theme of the celebration of Christmas,” saysay ni Pastor Daugdaug.
Ang maong aktibidad giduyogan sa entero pwersa sa RMN Davao, DXDC 621 RMN Davao ug 93.9 IFM Davao gani aduna usay laing mga listeners kinsa miduyog sa selebrasyon sama na lamang ni Mrs. Conchita Fernandez nga mibyahe pa gikan sa New Visayas, Panabo City, Davao del Norte uban ang iyang mga apo.
“Gusto nako masaksihan (RMN Chirtsmas tree lighting)… Gikan ko’g Panabo dala nako akong mga apo… Wish nako karong Pasko, maayong lawas, magkatapok-tapok ang mga anak, tuloy ang panginabuhi,” segun ni Fernandez.
Samtang highlight usab sa RMN Christmas Tree Lighting ang mga wish list sa mga suking tigpaminaw ug mga bisitang misab-ong sa ilang wishes diha sa RMN Christmas tree.
Niadtong miaging bulan, gisugdan ang pahalipay alang kanila diin kinsa man ang misab-ong sa ilang Christmas cards nga dunay nakasulat nga wish ug kinsa tong nabunotan maoy nakadawat sa Noche Buena package sa RMN gani ubay-ubay usab ang nakadawat sa pinaskuhan gikan sa RMN.
Suma pa sa kanta, ‘Ang Hiling ng RMN, pasko nati’y pagpalain,’ ug sa kanunay kauban ninyo ang mga RadyoMaN, sa Luzon, Visayas ug sa Mindanao man, RMN ang Kasama mo.
RadyoMaN Renz Barbarona
