Karung adlawa, Agosto 17, mao ang ika-58 na nga kasumaran sa pagkatukod sa DXBC 693, usa sa 60 ka mga radio stations sa RMN, ang pinakadako ug number one nga radio network sa Pilipinas.
Dungan sa kasaulugan karung adlawa, mao ang paghatag pag-ila sa contribution sa mga kanhi kawani sa DXBC nga nahimong instrumento sa mga kalampusan sa DXBC sa halos unom na ka dekada nga pangalagad.
“ Gumikan sa mga kanhi anchor, announcer, reporters sa DXBC naila kini sa tibouk Caraga isip usa ka Media entity nga anaa ang kasing kasing sa panibersyo”, kini sigun pa sa pahayag sa nagdumala.
Usa sa dakong kalihukan usab nga giandam sa DXBC, mao ang Medical Mission 2017 nga himuon karung umaabot Agosto 28, 2017 sa Capitol coverd court, diin mga tigpaminaw ang pagaalagaran niining maong medical mission.
“Ibalik nato sa katawhan ang mga kalampusan sa DXBC, gumikan kay wala ang mga tigpaminaw nga anaa kanunay naga suporta hayan wala usab ang DXBC”, dasun pa sa mga empleyado sa DXBC.
Sa karun nga tuig gikalipay sa management sa DXBC ang dagko nila mga mga kalampusan nga naangkon.
Sa miaging tuig and DXBC, migawas nga number 1 AM radio station sa Butuan, kini subay sa survey nga gipagawas sa KBP Kantar Media Survey.
SA tuig 2017 usab, ang DXBC napili isip Best AM radio station sa gihipahigayun nga “HENRY R CANOY’ Excellence Awards, diin gihimong criteria mao ang listenership ratings, sales, community benefits activity, Corporate Social Responsibility, ug uban pang serbisyo publiko.
Sa karun ang DXBC ga hinay hinay na usab ug upgrade sa serbisyo pinaagi sa pag integrate sa radio ngadto na sa social media, diin mao usab kini ang direksyun sa RMN nga mahimong digital total media company sa umaabot nga tuig.
