Muling kinilala ang DXCC 828 bilang numero unong AM radio station sa buong Cagayan de Oro.
Sa AM survey result ng Kantar Media na isinagawa noong December 2018, number 1 ang DXCC-828 RMN Cagayan de Oro kung saan mayroon itong 18.75% na market share at 47.06% na share sa lahat ng AM radio stations.
Nahigitan nito ang Bombo Radyo na may 16.93% na market share at AM radio stations share na 42.50%.
Habang ang DXVM-99.1 i-FM Cagayan de Oro ay nasa ikatlong pwesto pagdating sa FM survey result na may 8.545 market share at 14.20% na share sa lahat ng FM radio stations.
Lubos naman ang pasasalamat nina Radyoman Rey Maraunay, station manager ng DXCC at Radyoman Gunther TJ Solon, station manager naman ng i-FM CDO sa lahat ng listeners at radyoman sa buong Cagayan de Oro.
Ang Cagayan de Oro ang siyang hometown ng RMN kaya at congratulations muli mga Radyoman!
