Niadtong adlaw byernes ang tibuok pwersa sa RMN DXDR Dipolog mipadangat ug
hinabang sa mga residente sa Sitio Crasher, Brgy. Opao, Dapitan City.
Kahinumduman gibaha kini sila dili palang dugay ug maayong pagka banlas sa
pipila ka panimalay nga nanimuyo daplin sa suba sa maong barangay.
Niadtong higayuna mi bul-og ang makusog nga baha mga 9:00 sa gabie kapin
kun kulang, kini subay sa pamahayag sa residente nga si Edilberto.
Matod pa wala sila magtuo nga ingon ato ka kusog ang tubig tungod kay dili
man kaayo kusog ang ulan, hinungdan nga wala sila ka pangandam matod pa.
Upat ka mga panimalay ang totally wash out samtang aduna pud nabalhin human
gidala sa tubig.
Daw sa dili nila ma eksplikar ang ilang gibati kini human sila ang napili
nga hatagan ug hinabang sa DXDR sa pagpanguna ni Station Manager Edgar
Dagumo uban sa iyang mga sakop.
Ilang nadawat ang bugas, noodles, ug mga sanina nga sarang ilang magamit
usab alang sa ilang pang adlaw-adlaw nga paninanglanon.
Samtang gipasalamatan usab ni SM Edgar Dagumo ang mga mihatag ug hinabang
gikan sa mga tigpaminaw dinhi sa dakbayan sa Dipolog ug sa gawas sa nasud
nga mao ang OFW sa Hongkong.
Dili lang kini ang himoon pa nga paghatag ug tabang sa DXDR apan padayonon
pa kini alang sa mga nanginahanglang katawhan uban na usab sa tabang sa mga
tigpaminaw.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
