Malaybalay City, Bukidnon – Subli na usab nga nanguna ang mga programa sa RMN DXMB Malaybalay isip nag-unang radio station nga gipaminawan sa mga taga Bukidnon.
Kini human migawas nga runaway number 1 ang DXMB 648 batok sa uban pang rival radio stations sa gihimong survey sa siyudad sa Malaybalay kaniadtong tuig 2017.
Base sa official survey result nga gipagawas dili pa lamang dugay sa Kantar Media Research Philippines, nakakuha sa 66.11 percent nga audience share ang RMN Malaybalay samtang anaa sa 27 percent ang DXDB Radyo Bandilyo.
Sigun pa sa survey anaa sa ikatulo ang DXMV Radyo Ukay (Valencia) nga adunay 6.88 percent nga audience share.
Kalabot niini, dako usabang pagpasalamat sa pamunuan sa RMN DXMB Malaybalay nga gipangunahan ni Station Manager Richard S.Villaronte ngadto sa mga listeners sa walay puas nga pagsunod, pagpaminaw ug pagsuporta sa mga programa sa estasyon.
Apil sa mga nakahatag ug dakong tampo sa pagka number 1 sa RMN Malaybalay ang Tatak RMN Fan’s Club, Inc nga adunay kapin 800 ka coordinators ug gibana-banang kapin ko kulang 80,000 ka mga miyembro.
