Malaybalay City, Bukidnon – Gidepensa sa City Traffic Management Center kon CTMC Valencia ang nag-viral nga hulagway sa usa ka senior citizen nga gipamaso ug tambutso sa motor.
Sa interview sa RMN Malaybalay ngadto kang Cpt. Alejandro Larosa, ang head sa CTMC gibutyag niini nga ceremonial lang nga ang paghawid sa mao nga senior citizen ug lahi gayod ang nagmaso sa iyang tambutcho sa aktwal.
Matud ni Larosa nga lahi usab ang nagputol sukwahi sa makita sa hulagway.
Gipasabot pa ninii nga gipagunit lang ang mao nga senior citizen aron picturan ug dili usab kini maoy gipatangtang ug gipamaso mismo sa iyang tambutso.
Sigun niini nga gidawat usab daw sa mao nga lalaki nga aduna siyay sayop nga nahimo tungod sa paggamit ug open pipe nga muffler.
Gidugang pa ni Larosa nga kabahin sa ilang pag dokumento ang pagkuha ug hulagway.
Una nang gidepensahan sa mga law enforcers nga gituyo nila nga ang tag iya mismo maoy muguba ug mupipi sa ilang muffler aron malikay sila sa isyu nga gipang-recycle.
