General Santos City— Aduna nay person of interest nga ginatutukan ang Gensan City Police Office nga responsable sa pagpusil-patay kang PO3 Clark Bachoco.
Sumala ni Police Senior Superintendent Romeo Ruel Berango, OIC City Director sa GenSan City Police Office nga usa sa ilahang motibo nga ginatan-aw mao ang may kalabutan sa trabaho.
Gipangunahan man usab ni Police Superintendent Roel Sermese, Deputy City Director for Operation sa GSCPO ang Task Force Bachoco. Samtang giangkon ni Col. Berango nga insulto gyud alang kanila ang nahitabong pagpamusil-patay duol sa mga istasyon sa kapulisan.
Pamahayag niya nga sagad sa mga biktima sa pagpamusil ang may kalabutan sa illegal nga druga apan gipaklaro niya nga wala nagapatulog-tulog ang kapulisan sa maong kaso.
Gani una na matud pang gibutyag sa Presidente ug ni General Ronald Dela Rosa nga maduguon gyud ang kampanya batok illegal nga druga.
