*ISSUE:*
OPAPP nanghimakak sa integration Arrangement sa laing grupo, gikabalaka ang halapad nga recruitment sa Moro National Liberation Front MNLF.
Gipahayag ni Presidential Adviser on the Peace Process OPAPP Secretary Jesus Jess Dureza nga walay nahitabong integration arrangement tali sa goberno ug Moro National Liberation Front MNLF ug sa lain pang grupo ubos sa Peace Process. Ang deklarasyon sa kalihim tungod sa katahapang 60-ka mga tawo na nadakpan sa AFP ug PNP sa Basilan ug Zamboanga Sibugay nga padulong unta sa Marawi City.
Dihang gi-imbestigahan mipadayag ang mga nadakpan nga gi-recruit sila aron mo sulod sa Armed Forces of the Philippines isip mga membro sa Moro National Libe- ration front MNLF. Nasayran nga gi-angkon sa usa sa nasikop nga lalaki nga naka takda silang mopa ilawum sa training sa Lanao del Sur sa MNLF uban ang pasalig nga hatagan sila ug 30-mil nga allowance kada bulan, samtang nag bansay-bansay adiser nga ipasulod sa Philippine Army.
Nabalaka ang OPAPP Secretary tungod kay naabot usab sa iyang buhatan ang mga impormasyon nga halapad ang recruitment sa MNLF sa lain-laing party sa Mindanao tungod sa pasalig nga mo integrees sa kasundalohan butang nga walay kamatuoran sumala pa ni Secretary Dureza. Subay niini gipahimangnu-an sa kalihim ang mga kalalakinhan sa Mindanao ug uban pang parti sa nasud nga dili motoo sa maong recruitment gumikan kay posibling pagpangilad lamang o scam na gimugna sa mga terorista aron maoy makig-away sa goberno.
Kung in-ani nga walay giplanong integration sa MNLF ug Philippine government dili kaha posibling makig-anib ang MNLF sa teroristang Maute, sama sa gihimo sa BIFF,Abu Sayyaf ug Al khalifa Ansa Al khilafa Philippines? Kay kining mga lalaki na na harang sa Zamboanga ug Basilan puro mga membro sa MNLF unya may mga nakumpiska nga uniporme sa sundalo ug police, kon mo training pa ni sila ngano man nga may mga klase-klase nga uniform? Basin ning mga tawhana reinforce ni sa Maute group maayo gani kay abtik ka atong kasundalohan ug kapulisan karon ug napugngan kining mga tawhana.
Anyway puro pani mga espikulasyon kay padayon pang gi-imbestigahan ang mga 60 ka tawong nadakpan na tua na karon gidala sa Manila,gawas pa gipanghimakak sa spokesman sa MNLF nga si Atty.Emmanuel Fontanilla ang alegasyon nga ilang mga sakop ang mga nadakpan, gitataw sa tigpamaba nga walay 17-star General sa MNLF sukwahi sa mikalat nga may 17-star General nga lakip sa 60- nga nadakpan sa militar, hinoon gi-angkon ni Fontanilla nga may negosasyon alang sa integration sa MNLF ug AFP busa may recruitment aron pangandaman kon ugaling ma-approve man ang plano.
Ang Police Regional Office-12 miseguro sa publiko nga hugot ang ilang pagbantay sa individual o grupo nga dili maka lusot aron motabang sa pakig giyera sa tropa sa kagamhanan. Dili lang MNLF lakip ang ubang grupo ang gi-monitor sa kapulisan sa karon walay movement sa unsa mang grupo nga makig batok sa goberno, subling mi-apela ang kapulisan sa katawhan nga motabang bisan sa paghatag man lamang ug impormasyon.
Atong gipaningkamutan nga mahinabi si OPAPP Secretary Jesus Dureza, apan atong nasayran nga tua karon ang kalihim sa Germany alang sa stem cell therapy kauban ang iyang asawa sa Villa Medica Inter- national, apan sa iyang face book page iyang gipahimangnuan ang tanan nga dili mo tu-o nga adunay integration sa bisan unsang faction group labina sa MNLF busa dili mo tu-o sa pagpang recruit ug mga pasalig kay usa kini ka scam o pagpangilad lamang.
Gipadayag sa Armed forces of the Philippines pinaagi sa tigpamaba nga si General Restituto Padilla nga kayang-kaya sa government troops ang sigalot sa Marawi busa wala na kinahanglana ang integration sa ubang grupo hinoon iyang gitataw nga andam nga madawat ug tabang ang armadong kusog, apan sa rescue o humanitarian mission lamang ug dili ang pagamit ug armas. Dinhi usab sa ato sa GenSan si JTF GenSan Commander Col.Adonis Bajao, mikumpermar nga may recruitment sa MNLF busa ilang hugot nga gina monitor, giklaro sab sa JTF GenSan Commander nga pabiling malinawon ang syudad ug control sa Pulis ug Philippine Army. Guseguro usab ni 1002nd infantry brigade commander Col.Roberto Ancan, mi seguro nga ilang bantayan ang kalihukan sa bisan unsang grupo nga mo sulay sa pag yagaw sa peace and Order sa area of responsibility kauban ang kapulisan sa Rehiyon.
Mas maayo ra mga kasama nga na deklarar ang martial Law sa Mindanao kay kon wala pa kining mga grupoha sayon kaayong maka lihok aron manabutahi, bisan tuod kon atong baruganan nga layo rakaayo ang lima ka bulan nga ML extension pero manghinaut lamang kita nga dili maabuso ug tinud-anay nga magukod ang mga rebelde ug teroristang grupo. Atong klarohon nga walay integration arrangement tali sa goberno ug Moro National Liberation Front MNLF aron makig-alyansa sa padayon pang giyera sa mga lugar sa Marawi, basin madala mo diha sa bulada aning gapang recruit kay sweldohan mog 30-mil,magi sip-isip po kaayo kay basin magamit mo sa mga rebeldeng grupo, sayang mabutang sa alanganin ang inyong kinabuhi, kining NPA gani gapang recruit sab daw unya ang mga batan-on pasaligan ug sweldo naa pay ni-surrender nga NPA kay sa dihang gi-recruit siya nga mosulod sa kalihukan gipasaligan ug asawa? Dapat mag matngun ta kay basin magmata lang tag morning niining mga pasalig sa pipila aron maka kwarta o kaha ilaron ta sa dunot nga idolohiya! Itum pas ata sa nokus, dunay panultihon walay ma ngingilad kung walay pagpa-ilad !
