Rmn Gensan Editorial: Straight To The Point kauban si Kasamang Jhun Estanio

*ISSUE:*
CITY COUNCILOR FRANKLIN GACAL, MIBAHAD NGA KASUHAN SI OIC CITY POLICE DIRECTOR COL.RUEL BERANGO KON DILI MAPA UNDANG ANG STL OPERATION SA GENERAL SANTOS.
……………………………………………………………………………………..
Gumikan sa pabiling operasyon sa Small Town Lottery STL sa dakbayan sa General Santos, mibahad si City Councilor Franklin Gacal Jr, kinsa mao ang Chairman sa Games and Amusement sa konseho nga iyang pasakahan ug kaso si Gensan City Police Office OIC Director Senior Superintendent Romeo Ruel Berango.
Gibarugan ni konsehal Gacal, nga sa mi-aging semana gihatagan niya ug direktiba si Berango sa pagpa-undang sa STL Operation pinaagi sa giduso nga resolusyon apan dakong ka dismaya sa konsehal gumikan kay hangtud karon abli pa gihapon ug padayon ang padula sa Small town Lottery taliwala nga illegal ang operasyon. Sa gihimong pagbahad ni Gacal sa pagpasaka ug kaso batok Col.Berango iyang hatagan ug laing usa ka semana na ultimatum ang liderato sa GSCPO aron pagtuman sa direktiba sa konseho ning syudad apan kon sa mosunod semana kon pabiling nag operate ang pasugalan sa STL hingpit niining kasuhan si Berango sa ombudsman sa kalapasan sa Republic Act 9649.

Gitataw ni Konsehal Gacal, nga angayang ipatuman ang balaud sa kapulisan kay insulto sa magbabalaud , constitution mas labawng insulto sa konseho nga representante sa katawhan ang pagpanamas-tamas sa balaud, giklaro sa konsehal nga walay personalan batok sa kapulisan ang iyang gihimo kay isip usa ka public official ug abogado kinahanglang balaud ang matuman .

Dili nimo mabasul si City Councilor Jeng Gacal nga pabiling mag-alburoto kay hangtud karon walay taga PCSO nga mitunga sa konseho aron ipasabot ang legalidad sa ilang operasyon labina ang arrangement sa Trento Gaming corporation . Sama sa gibalik-balik nato ug sa gibutyag ni Konsehal Gacal nga dapat mo sumiti ug letter of no objection ang buhatan ni Mayor Ronnel Rivera ngadto sa Sanggunian Panglungsod alang sa deliberasyon ug nga ki- nahanglang aprobahan pinaagi sa resulosyon. Kung akong madumduman nga unang gihulga ni Konsehal Gacal nga kasuhan si Mayor Rivera tungod sa pagtugot sa Trento Gaming Corporation, ang operator sa Small Town lottery sa General Santos bisan kon walay concurrence. Ato usab nga gika hibulong kay hangtud karon walay gibutyag ang PCSO, Trento Gaming Corp ug buhatan ni Mayor Rivera kon pila ang atong bahin sa syudad sa operation sa STL taliwala nga dayag sa RA-9649 nga may 3.75 percent kada bulan na share sa income generated sa Small Town Lottery dili kaha nga kining operation sa STL karon naa sa bulsa sa mga opisyal sa Gensan ug dili ma punta sa panudlanan sa goberno? Pangutana lang kay makaduda nganong gipasagdan lamang bisan kon dili pa plastar ang rekisitos, bisan kon dili pa klaro ang requirements?


Ang bahad ni City Councilor Gacal, gitubag ni OIC City Director Col. Romeo Ruel Berango nga wala daw siya nagpasagad sa hisgutanan sa legalidad sa STL gani iyang gibutyag nga niadtong milabayng adlaw nagka storya sila ni Mayor Ronnel Rivera ug nasabutan nga pa-abuton lang ang isumite nga position paper sa Philippine Charity Sweepstakes Office PCSO. Mihangyo si Mayor Rivera sumala ni Col.Berango nga dili lang una mo action batok sa STL. Dismayado si Berango kay na ipit ang PNP sa hisgutanan sa operation sa STL labina nga nagka bangga ang parehong opisina sa goberno sa legalidad sa operasyon.

Giduso ni Col.Berango ngadto kang City Mayor Ronnel Rivera ang isyo nga kasohan siya ni Kagawad Gacal kay storyahon pa daw? Kinsa kaha ang ilang storyahon si Gacal? Sige atong kontakon si Mayor Rivera kon unsay iyang reaction nga nagbahad naman si Konsehal Gacal nga mopasaka ug kaso sa ombudsman kon dili ma undang ang operasyon sa STL dinhi sa dakbayan, si Berango gapanuko klaro kaayong hadlok sa Mayor, City Police Director ka unya dili ka kabarog sa imong kaugalingong desisyon kay mag agad kapa sa Mayor? Aminado man unta si Berango nga nagbangga karon ang basihan sa PCSO ug IRR sa RA 9649 nganong dili man siya mo decide nga i-undang usa ang operasyon prior sa pag resulba sa legal issue? Dayag man sa RA 9649 nga kinahanglang may concurrence sa City Government adiser tugtan ang STL sa pag operate, kana untay basihan ni Col.Ruel Berango aron stop usa pending for the submission of the requirements? Kay mintras nga walay cuncerrence ang STL operation illegal gyud na kay illegal dapat ma-undang kay nisaad siya nga iyang pandakpon ang tanang illegal forms of gambling sa dakbayan ug kong dili niya actionan siya na mismo ang mopahawa diri sa General Santos, iyang ng gisaad aber karon kay illigal man ang STL Outlet nganong wala man niya pangdakpa? Bakakon si Col.Romeo Ruel Berango.

Pabilin usab ang atong baruganan ani nga kay walay concurrence demodo kwestiyonabli ang legalidad sa STL, taud-taud ng nag operate ang STL sa GenSan nganong dili man masunod ang balaud? Sige lang saad ang PCSO nga mo tambong sa session aron ma-esplikar ang rekisitos labina ang ilang basihan sa pag operate sa syudad, dili ba matawag nga gibaliwala lamang sa kadagko-an sa PCSO ug Trento Gaming Corporation ang imbetasyon sa LGU GenSan? Murag naka minos ang PCSO ug Trento Gaming Corporation sa atong mga opisyales sa syudad nga unya-unya-on lamang? Kon ilang gina respite ang mga opisyales sa Gensan mohatag sila ug oras aron motambong sa pagpatawag sa konseho nganong dali man lagi naka tungha ang opisyales sa PCSO ug Trento Gaming Corporation dihang nadakpan kadtong walo ka mga usher sa STL Outlet nga gipangdakop sa kapulisan? Diba na buhi-an gi layon ang dinakpan unya gibalik ang mga nakumpiskang kwarta apan naku- langan na ambot kong kinsay ni bulsa atong na missing nga kantidad, dali kaayo naka negotiate ang taga PCSO diha-diha dayon gibuhi-an sa kapulisan ang gidakop nga mga usher, apan nganong ang pagtambong sa hearing sa konseho dili lagi dayon sila maka tungha? Matud pa ni Mayor Rivera nga ato lang paabuton kay mo-anhi ra ang mga opisyales sa PCSO, ang pangutana kanus-a paman ayha na kong mo puti na ang uwak? Binuang maning dako.



Busa konsehal Gacal abogado man ka? dali-a ra gud ng imong kaso,ayaw na ipaliko-liko straight to the point ba kay murag naka minus maning PCSO ug Trento Gaming Corporation ug kay si Mayor Rivera ug Col.Berango murag nagpa uto man lang sab mas maayong dalhon na sa proper forum ang STL issue kay para ang hukmanan maoy mo tingog kay isig depensa man ang PCSO,Trento Gaming,si Mayor ug Col.Roel Berango puro sila adunay kata- rungan bisan kon bikil ang operasyon sa STL kay lagi usa ka punto lamang walay panugot sa Chartered City ilang operasyon kay walay concurrence nga maoy basihan sa ilang gambling operation. Dapat Ombudsman na kay sa matag adlaw nga operasyon nag simbolo kini nga yano lamang ginatugotan ang illegal activities sa General Santos nga gipasagdan lang sa atong local officials sa LGU ug PNP, Itum pa mo sa ata sa Nokos!

Facebook Comments