*ISSUE:*
5-months Extension sa Martial Law sa Mindanao, aprobado sa joint session sa kongreso ug ang,
SONA ni Presidente Rodrigo Duterte, mahitabo na karong adlawa July 24 nga paga himoon sa Batasan Complex.
……………………………………………………………………………
Aprobado na sa Joint session sa 17th Congress ang 5-months o lima ka bulan nga extension sa proclamation NO.216 Martial law, sa Mindanao nga gi-issue ni Pres. Rodrigo Duterte niadtong milabayng Mayo 23,2017. Demodo mo epekto ang martial Law hangtud sa December 31,2017. Sa gihimong botohay sa special Joint Session niadtong milabayng sabado Hulyo 22, migawas sa over all results nga 261 YES ug 18-NO sa Martial Law Extension.Unang gihimo ang nominal voting sa mga senador diin gi-anunsiyo ni Senate President Aquilino Pimentel-lll ang 16-ka mga Senador nga Pabor samtang upat ang supak, gisunod usab ni House Speaker Pantaleon Alvarez ang resulta sa kongresista diin 245 ang pabor samtang 14-supak nia ang pamahayag ni Senate President Pimentel ug House Speaker Alvarez atol sa results.
Atol sa deliberasyon sa joint session init ang mga argument nilang Senador Gringo Honasan ug Senador Franklin Drilon, matud pa ni Honasan nga basi sa iyang mga experience sa ground isip kanhi sundalo lisod kon dili i-martial law kay limitado ang gahum sa militar labina nga daghan proseso nga sundon ug labaw sa tanan dapat totok ang goberno kay nagkinahanglan ug dakong suporta ang sundalo, Samtang si argument usab ni Senador Drilon nga kon may extension man ang martial Law dapat dili mo sobra sa 60-ka adlaw lang, iya sab gi-question ang rekomendasyon sa lima ka bulang extension taliwala sa mga report sa Media diin na interview sila si AFP Chief of Staff General Eduardo Año ug mismong Presidente Rodrigo Duterte na ma ilog na ang Marawi sulod sa usa ngadto sa diha ka semana busa taas ra kaayo ang lima ka bulang lugway sa Martial law sa tibuok Mindanao nia ang diskosyon nila ni Senador Honasan ug Senador Drilon paminawon ta.
Atol sa session gipangutana ni Albay Representative Edcel Lagman si AFP Chief of Staff General Eduardo Año kong angayan paba nga i-extend ang martial Law sa tibuok Mindanao ug kon dili ba kaya sa armadong kusog nga giyerahon ang maute bisan kon walay Martial Law, gipasabut usab ni General Año nga dako kaayo ug ika- tabang ang deklarasyon ug ang paglugway niini gumikan kay aron mabalik ang ka linaw sa Marawi ug magukod sa militar ang libo-an pang mga terorista nga naka basi sa Maguindanao,Sulu, basilan nga gustong m0-reinforce sa Marawi apan na- pugngan tungod sa deklarasyon sa Martial law nia ang pahayag ni General Año.
Nalipay ang Malacañang sa resulta sa joint session ug tungod kay na aprobahan niini ang gi- hangyo sa Presidente nga lugwayan ug lima ka bulan ang Martial law sa Mindanao, Matud pa ni Presidential Spokesman Ernesto Abella, The nation has chosen to stand united in defending the Republic, sa ato pa mas gipili sa nasud nga mobarog aron depensahan ang republika tungod niini dako ang pasalamat sa Malacañang sa desisyon sa Kongreso, dugang ni Abella nga ang Martial Law extension makaayo sa stability sa kalinaw ug pagpakgang sa rebellion busa kina- hanglan nga kini masanta aron mamahimong gawasnon ang katawhan sa Mindanao gikan sa violenteng panghitabo tungod sa idolohiya sa terorismo. Gi-aghat usab ni Secretary Abella,ang tanan nga human sa debate mag move-on na ug magkahiusang molihok aron ipatuman ang kahapsay ug kalinaw sa Mindanao.
Pero murag dili mapildi sa in-ato lamang kasayon ang mga supak nga kongresista labina ang gibansagang Magnificent-7 kini tungod kay gipadayag ni Albay Representative Edcel Lagman nga mo file nasab sila ug petition sa Korte Suprema aron questionon ang 5-months Extension kay matud pa niya sa Constitution ang rebellion lamang ang pwedeng maka deklarar ug ML ang Presidente ang nahitabo karon sa Marawi kahimu-an sa terrorist extremist busa dili dapat ma extend ang balaud militar nia ang pamahayag ni Congressman Lagman.
Diri sa General Santos si Mayor Ronnel Rivera nalipay nga na aprobahan ang Martial Law extension kay na wala ang iyang kabalaka nga maapil ang syudad sa posibling kasamok na dala sa teroristang grupo, aminado si Mayor Rivera nga sa sinugdanan may dautang epekto ang Martial law sa ekonomiya ug turismo apan sa kadugayan nibalik na ang kalakaran kay nasabtan na sa mga negosyante, investor ug turista ang sitwasyon sa Mindanao nia ang pa- hayag ni Mayor Ronnel Rivera sa report ni Kasamang Dave Silagan.
Anyway ang batakang balaud nag ingon nga pwede maka deklarar ug martial law ang Pangulo sulod sa 60-ka adlaw ug pwede ma extend pinaagi sa panugot sa Kongreso,demodo adunay proseso nga nahitabo malisod kon angalan pa nga mayoriya man, Sa atong gibasa nga verse kaganina Roman 13:2 Busa ang mosupak sa kagamhanan nagsupak sa gitukod sa Dios ug ang mag buhat niini silotan gayod ,ma-ingon usab nga respitohon ang namunu-an kay ang Ginoo ang nagbutang kanila, Pero ato ning bantayan kay dili ikalimod nga may mga tawo gayud nga mosakay sa panahon kadtong mga opisyal nga kampon ni taning, kon makita nato nga mag abuso ang otoridad sa ilang gahum kita nga katawhan na ilang kontra dili na ang mga terorista.
…………………………………
SONA :
Karong adlaw mahitabo ang ikaduhang SONA ni Presidente Rodrigo Duterte nga himoon sa Batasan Complex sa ubos balay bala-uranan. Kung atong madumduman gibutyag ni Communications Secretary Martin Andanar sa atong live interview niadtong milabayng sabado nga ana-a na sa 90-porcento ang gi-andam nga speech ni Pangulong Duterte, kon diin nasulat ang lima ka dagkong achievements sa usa ka tuig nga pamunu-an. Simple, prangka, realistic ug Challenging ang SONA karong tuiga busa gi-aghat ni Andanar ang katawhan nga mo totok sa ulat ng bayan ni Pangulong Duterte.
Mo-abot sa usa ka oras ug tunga ang kinatibuk-ang SONA basis a bana-bana ni PCOO Sec.Andanar gawas kon mag adlib pa ang Pangulo labina kay very passionate daw ang Presidente sa mga isyo ug nabuhat sa ilawum sa iyang administrasyon, posibling mahisgutan ang Martial Law sa Mindanao, ang droga lakip na ang dagko nga proyekto ug mga plano sa nahibiling lima ka tuig sa iyang termino, mao ni dapat atangan.
Diri sa ato si Mayor Ronnel Rivera mala-umon nga hisgutan sa Presidente ang plano sa ekonomiya kay iyang na obserbahan nga wala kaayo makatotok sa economic aspect, kay kon sa peace and order dili ma question kay grabi ang iyang kampanya, out of 10-gi-gradohan ni Rivera si Pangulong Duterte ug 9- kay very satisfied kini sa performance sa administrasyon nia ang pahayag ni GenSan Mayor Ronnel Rivera.
Si Vice Mayor Sherlyn Nograles, gila-uman nga i-discuss ang Martial law sa Mindanao, Economic labina ang isyo sa Peace and Order nia ang pahayag ni Vice Mayor Nograles sa report ni Kasamang Lore Romualdo.
Suportado sa mga opisyales sa probinsya sa Sarangani ang mahitabo nga ikaduhang SONA kon State of the Nation Address karong adlawa ni Pangulong Rodrigo Duterte.
Si Governor Steve Chiongbian Solon ang namahayag nga gilauman niini nga ibutyag sa presidente nga adunay lig-on nga peace and order situation ang tibuok Pilipinas. Labaw sa tanan, gilauman niini nga ma-report ang pagsaka sa G.D.P. kon Gross Domestic Product og G.N.P. o Gross National Product tungod sa programa ni Pangulong Duterte nga dakong pagbuhos sa pondo sa gobyerno para sa imprastraktura gitawag nga Build! Build! Build! Project ilalum sa “Duterte Economics.”Buhing saksi ang Sarangani Province sa mga nagpusot-pusot nga mga infrastructure project gikan sa Malacanang niayuda sa Sulong Sarangani flagship program nia ang pahayag ni Governor Steve Solon.
Atangan ta unya ang ikaduhang SONA sa Presidente kon gusto ninyo makita live mana sa mga Television pero kon wala moy TV sa RMN GenSan kay atong i-cover aron inyong masayran ang unod sa SONA para mahibalo kita sa duha lamang mani gyod ang Accomplishment ug Plano sa sunod pang katuigan sa iyang lideratu, ato usab nga himbisan kon sa iyang mga saad sa iyang unang SONA may natuman ba?
