RMN Lenten Presentation: ALAGAD

7

Davao City – Juan 12:26, “Kung kinsay moalagad kanako, monunot siya kanako; ug kong hain ako, atua usab ang akong alagad; ug kong kinsay moalagad kanako, siya pagapasisdunggan sa Amahan.”

Matag Semana Santa, sagad kanato aduna na gayuy naandan nga pamaagi kung unsa-on nato kini sa pagselebrar, gani pipila kanato gipili nga himoong balaan ang maong mga adlaw aron kita makapanghinuklog sa dili matupngan nga gugma ni Hesu Kristo alang kanato nga mga makasasala.

Ug gumikan kay naluwas na kita gikan sa atong mga sala, aduna usab kitay dakung responsibilidad aron mahimong alagad dili lamang sa Ginoo apan apil na ang paghigugma ngadto sa atong mga isig-kaingon.

Subay niini, akong nahinabi ang usa ka alagad sa Ginoo sulod na sa kinse anyos na, gani karon dakong kalipay niya nga iya pa kining mas napalapdan pinaagi sa pag-establisar sa usa ka center aron maoy musapopo sa mga panginahanglanon sa mga kabatan-onan.

Siya si Nicholas Basco, tubong Negros Occidental ug director sa usa ka non-government organization kun NGO mas nailhan nga Davao Dream Center nahimutang sa may Ma-a, ning syudad.

Matud ni Basco, dugay na niyang pangandoy nga makatukod og usa ka center aron mutabang sa mga kabataan aron sila mahilayo sa droga ug uban pang matang sa bisyo aron usab maseguro nga dili maguba ang ilang pagtungha ingon man malampusong makab-ot ang ilang mga damgo sa kinabuhi.

“Ang ginawa naming is simple lang na strategy,we started with education so nag bigay kami ng scholarship sa mga estudyante sa Elementary, High School at umabot na rin sa College and then (we also have) sports program. Nagbibigay kami ng mga sports equipments and then meron din tayong mga partners”

Gawas niini, tinguha usab ni Basco nga matabangan ang mga ginikanan niining nahisgotang mga batan-on pinaagi sa livelihood program and opportunities apil na usab ang spiritual development sa kinabuhi sa komunidad.

Gisulti ni Basco nga matag Semana Santa, aduna silay ginabuhat nga selebrasyon sanglit mao usab kini nga higayon nga nakahuman na og pagtungha ang mga elementary ug high school students aron sila mapasidunggan sa ilang nadawat nga achievements sa eskwelahan.

“So nag ce-celebrate kami, nagpasalamat kami na nag graduate sila, some of them sa high school and elementary and then tinatawag naming iyan na end-year celebration. Ang Davao Dream Center, malaki ang impact neto, dahil yung mga bata we make sure na nandoon sila sa school, maganda ang mga grades nila and we make sure na namonitor sila. Nag ce-celebrate kami ng victories nila at success ng mga batang ito sa school.”

Pinaagi niana, ila usab nga ginahimaya ang Ginoo sa paghinumdum sa iyang gibuhat nga dakung gugma ug sakripisyo sa Krus sa Kalbaryo tungod ug alang kanato nga mga makasasala.

Gawas sa pagpahulay ug pagrelax, nanawagan usab si Basco ngadto sa katawhan nga gamiton kini nga mga adlaw aron kita magpasalamat sa gibuhat nga sakripisyo sa Ginoo ingon man paghatag og igong gibug-aton sa spiritual nga aspeto sa matag nato nga kinabuhi ibabaw ning kalibutan.

“This week sana ang ating pag-iisip, ang ating heart, ang ating life, ang ating family magkaroon rin ng chance na mag isip kung gaano ka ganda, kung gaano ka yaman, kung gaano kalaki ng pag ibig ng Panginoon para sa ating lahat.”

RadyoMaN Abi Bibera

Facebook Comments