Davao City – Isip pagpasalamat sa mga tigpaminaw nga sa kapin unom na ka dekada nga nakigduyog sa RMN, karong Lunes, August 28, 2017 mopahigayon ang DXDC ug IFM, mga sibyahanan sa Radio Mindanao Network dinhi sa Davao, sa Mission 2017: ‘Handang Tumulong Sa ‘Yo’ Medical Mission sa Erico Nograles National High School sa Barangay 37-D Trading Boulevard ning syudad.
Kuyog ang mga partner agencies, mohatud ang RMN Davao sa nagkadaiyang serbisyo sama sa libreng bunot sa ngipon, medical checkup sa mga adults ug mga bata, libreng tambal ipanghatag, pre-natal sa mga nagsabak, eye checkup, massage ug uban pa atol sa nasampit nga aktibidad.
Kahinumdoman, Agosto 28, 1952 kun 65 ka tuig na ang nakalabay, dihang natawo ang pangandoy ni Founder Don Henry Canoy nga tukoron ang ‘bridges on the air’ kun ang pagpanerbisyo sa tawo gamit ang bantawan sa radyo kun broadcast.
Gipasalig sa pamunuan sa RMN nga padayon kining magserbisyo isip bugti sa pagsalig sa katawhan pruweba niini ang paghimong number one sa daghang mga estasyon niini sa tibuok Pilipinas partikularmente dinhi sa Dabaw.
Kasamang Abi Bibera
