Davao City – Gikalipay sa kapin gatus ka mga indibidwal ang aktibidad nga gilusad sa RMN Davao kagahapong adlawa, Agosto 3, 2018.
Usa sa mga nakigduyog sa aktibidad mao si Arlene caburan, 46 anyos ug residente sa Purok 2, Subasta Calinan, Davao City diin naka avail sa libreng serbisyo sa SSS ug nanghinaut pa og dugang mga aktbidad nga ilusad sa sibyahanan.
Kagahapon, subay sa ika-66 anyos ka tuig na sa Radio Mindanao Network, gilusad sa DXDC RMN Davao ug iFM Davao ang Mission 2018: Handang Tumulong Sayo! Dental and One-Stop-Shop sa Gaisano Grand Calinan, ning syudad sa Davao.
Nakigduyog ang kapin gatus ka mga indibidwal alang sa libreng serbisyo sama sa libreng ibot sa ngipon ingon man ang pagtunol og daghang premyo ug pahalipay.
Daghan usab ang mi-avail sa libreng serbisyo sa SSS, Pag-IBIG ug PhilHealth alang sa mga pangutana ingon man sa pagdawat sa monthly contribution.
Subay niini, mapasalamaton ang tibuok team RMN Davao sa kanunayng gihatag nga suporta sulod sa 66 ka tuig sa RADIO MINDANAO NETWORK!
RadyoMaN Renz Barbarona
