Davao City – Daghan ang nangutana: Ngano kuno nga latas sa mga katuigan, nagpabilin man ang Radio Mindanao Network sa dughan sa katawhan isip nag-inusarang No. 1?
Daghan usab ang kanunay na-intriga unsa ang sekreto sa DXDC 621 RMN Davao nga sa gihapon nag-estar nga runaway survey numero uno?
Ang tubag: Ang network padayong nanaad sa katawhang gi-alagaran niini nga manerbisyo sa tanan sa tim-os ug kinasingkasing.
Panaad usab niini nga ibandila ang mga hiyas sa Integridad, Responsibilidad ug Serbisyong Tatak RMN.
Pangandoy ning network nga kanunay isentro ang listener kun tawo ilawom sa prinsipyong Relevance ug Connection.
Gumikan niini nga hiniusang tinguha, damgo sa RMN nga dili lamang madunggan sa inyong transistor radio apan maubanan usab sa social media pinaagi sa gahum sa teknolohiya sama sa digital medium o platform haron maabot ang kinatumyan nga bahin sa Philippine archipelago subay usab sa pangandoy sa founder niini nga si Don Henry R. Canoy nga tukoron ang koneksyon sa kahanginan kun ‘bridges on the air.’
Karong adlawa, subling latason sa RMN ang mga bag-ong hagit sa panahon sa natad sa pagpangalagad sa Masang Pilipino.
Mabuhay ang RMN Networks!
