General Santos City- Nasakmit sa RMN/ IFM GENSAN ang kampeonato sa gipahigayon nga SportsFun 2017 sa Kapisanan ng mga Brodkaster ng Pilipinas ( KBP SARGEN) kagahapong adlawa.
Misalmot ang mga sibihanan nga mga miyembro sa KBP alang sa usa ka bowling tournament sama na lamang sa sibihanan sa Bombo Radyo- Gensan, Brigada Gensan, DXCP Radyo Totoo, DXDX Radyo Ronda, DXGS Asenso, Killer Bee, Home Radio, Keez Fm, og uban pa.
Gipildi sa RMN/IFM GENSAN ang mga partisipante sa bowling og nahimong kampeon.
Sumala pa kang Netnet Ortiz, Station Manager sa DXDX og kasamtangang Presidente sa KBP-SARGEN chapter, nga usa kini sa mga aktibidad sa KBP alang sa panahiusa sa mga anaa sa media og adunay panahon usab alang sa bonding pinaagi sa sports.
Pagkabii usab gihimo ang Christmas Party sa maong organisasyon kon diin nahimong awarding usab sa mga midaog.
